(1916) Nuevu Pelayu
Hoy Asturies y España toa ella
Axitase, rebúllese de veres
Y, enardecía, cuerre a les carreres
A Cuadonga, pa oir a Vázquez Mella.
Y, ant' un verbu 'scontra'l cual s'afrella
Tou ataque d'abondos viles seres,
Mécens' aplausos d'hombres y muyeres
Con vives mil al hombre qu'empapiella.
¡Bendites les montañes de Cuadonga!
D'un cántabru al esfuerzu, salió un día
D'elles, pa España paz, llibertá, gloria;
Nuevu Pelayu 'sti 'sfuerzu hoy prollonga
Otru, qu'ende ñicia a la tiranía
Guerra, qu'a la rexión dará vitoria.